एभरेष्ट इन्स्योरेन्सको १०५ प्रतिशत संस्थापक हकप्रद भर्ने आज अन्तिम दिन हो । आइतबार सम्म मात्र यसमा आवेदन दिन पाउने भएको छ । एभरेष्टले मंसिर १६ गतेदेखि संस्थापक समूहको १४ लाख ३ हजार ३२५ कित्ता सेयर बिक्री खुला गरेको हो । कात्तिक २६ गतेसम्म मात्र कायम सेयरधनीले मात्र यो हकप्रद भर्न सक्नेछन् ।
कम्पनीले हाल कायम चुक्ता पुँजी १३ करोड ३६ लाख ५० हजार रुपैयाँबाट १०५ प्रतिशत संस्थापक हकप्रद सेयर निष्कासन गरेको हो । संस्थापक सेयर हिस्सा ५१ प्रतिशत बनाउन पहिला १०५ प्रतिशत संस्थापक हकप्रद जारी गरिएको हो । यसपछि कायम हुने सम्पूर्ण सेयरधनीलाई फेरि ३०० प्रतिशत हकप्रद जारी गरिनेछ ।
लगानीकर्ताले बिक्री प्रबन्धक सिद्धार्थ क्यापिटल नारायणचौर नक्साल काठमाडौं तथा एभरेष्ट इन्सुरेन्सको हात्तिसार काठमाडौं र यसका अधिकांश शाखा कार्यालयबाट आवेदन दिन सक्नेछन् । यसैगरी, सी–आस्वामा सहभागी सबै बैंक तथा वित्तीय संस्थाबाट पनि हकप्रद भर्न सकिन्छ ।
हाल यस कम्पनीको चुक्ता पुँजी १३ करोड ३६ लाख ५० हजार रुपैयाँ छ ।
