काठमाडौँं । नेपाल केडिट एण्ड कमर्स बैंकको साधारण सभा आज (माघ १७) गते हुने भएको छ । बैंकले सभा प्रयोजनलाई माघ ७ गते मंग्लबार १ दिन बुक क्लोज गरेको थियो । एनसीसी बैंकले १५ प्रतिशत बोनस सेयर र कर प्रयोजनका लागि ० दशमलव ७८ प्रतिशत नगद लाभांस वितरण गर्ने भएको छ ।
सभामा उपयुक्त बैंक तथा वित्तिय संस्था एक आपसमा गाम्भे वा प्रप्ति गर्न तथा वैदेशिक रणनितिक साझेदारीमा जान उपयुक्त देखिएमा त्यस सम्बन्धी कार्य गर्न संचालक समितिलाई अख्तियारी प्रदान गर्ने प्रस्ताव पनि छ । साथै सभामा आर्थिक बर्ष नाफा –नोक्सान र नगद प्रवाह माथि छलफल हुने भएको छ ।
हाल बैेंकको चुक्ता पुँजी ८ अर्ब १३ करोड रुपैयाँ रहको छ । बोनस सेयर पश्चात् कम्पनको चुक्ता पुँजी ९ अर्ब
३५ करोड रुपैयाँ पुग्ने भएको छ ।
