काठमाडौं । एनएमबी बैंकले जारी गरेको ऊर्जा ऋणपत्रमा मागभन्दा बढीको आवेदन परेको छ।उक्त ऊर्जा ऋणपत्र जेठ ९ गते आइतबारदेखि बिक्री खुला गरिएकामा पहिलो ४ कार्यदिनभित्रै अत्यधिक आवेदन परेपछि बिक्री बन्द गरिएको क्यापिटलले जनाएको छ।
बैंकले वार्षिक ४ प्रतिशत ब्याजदरमा १ अर्ब ५० करोड बराबरको १५ वर्षे अवधिको उक्त ऋणपत्र बिक्री खुला गरेको थियोे । यो ऋणपत्रबाट प्राप्त कोषलाई जलविद्युत् र अन्य नवीकरणीय ऊर्जा आयोजनामा लगानीका लागि उपयोग गरिनेछ ।
