काठमाडौं । आजबाट एनएमबि लघुवित्त वित्तीय संस्थाको १ लाख ८ हजार ७ सय ३३ दशमलव १३ कित्ता सेयर लिलामी विक्री खुला भएको छ । कम्पनीले यसअघि कात्तिक २४ गतेदेखी मंसिर २९ गतेसम्म २४ लाख ३० हजार ९३.७५ (१५० प्रतिशत) कित्ता हकप्रद सेयर बिक्री खुला गरेको थियो ।
उक्त समयमा सबै बिक्री नभएपछि बाँकी रहेको सेयर अब लिलामीमा ल्याइएको हो । आजबाट लिलामीमा विक्री खुला गरेको उक्त शेयरमा माघ १२ गतेसम्म आवेदन दिन सकिने कम्पनीले जनाएको छ ।
न्यूनतम अंकित मूल्य १ सय रुपैयाँ तोकिएको छ । यसर्थ, लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्छ । बिक्री प्रकन्धक सनराइज क्यापिटल लिमिटेड, कमलपोखरी काठमाडौबाट आवेदन दिन सकिनेछ ।
त्यस्तै, एनएमबि लघुवित्तको प्रमुख कार्यालय पोखरा महानगरपालिका २५, हेम्जा र सनराइज बैंकको विराटनगर, वीरगञ्ज, पोखरा, वुटवल, नेपालगत्तज, सुर्खेत र धनगढीबाट पनि लिलामी सेयरमा आवेदन दिन सकिने जनाएको छ ।
