एनएमबि माइक्रोफाइनान्स वित्तीय संस्थाले १५० प्रतिशत हकप्रद जारी गर्न धितोपत्र बोर्डसँग अनुमति मागेको छ । माइक्रोफाइनान्सले १ः१.५ अनुपातमा २४ लाख ३० हजार ९३ दशमलव ७५ कित्ता हकप्रद सेयर बिक्री गर्न लागेको हो ।
यस लघुवित्तले गत पुस २९ गते बसेको साधारण सभाबाट १४ करोड ८ लाख ७५ हजार चुक्ता पुँजीको १५५ बोनस सेयर र बोनस पश्चात कायम हुने पुँजीबाट १५० प्रतिशत हकप्रद ल्याउने प्रस्ताव पारित गरेको थियो । यसमा बिक्री प्रबन्धकको काम सनराइज क्यापिटलले गर्नेछ ।
प्रस्तावित बोनस सेयर सभाबाट पारित भई नेप्सेमा सूचीकरण समेत भइसकेको छ । कम्पनीले उक्त बोनस सेयरपछि कायम भएको १६ करोड २० लाख ६ हजार रुपैयाँ चुक्ता पुँजीको १५० प्रतिशत हकप्रद जारी गर्न लागेको हो । यो हकप्रदपछि पुँजी ४० करोड ५० लाख ६९ हजार रुपैयाँ पुग्नेछ ।
