काठमाडौं । एनआईसी एशिया क्यापिटलले आफ्नो व्यवस्थापनमा रहेका तीन ओटा म्युचुअल फण्डहरुको लाभांश इकाईधनीहरुको बैंक खातामा जम्मा गरेको छ ।
क्यापिटलले एनआईसी एशिया ग्रोथ फण्ड, एनआईसी एशिया ब्यालेन्स्ड् फण्ड र एनआईसी एशिया डाइनामिक डेप्ट फण्डको लाभांश इकाईधनीहरुको खातामा पठाएको हो । क्यापिटलले डिम्याट खातामा उल्लेख गरेको बैंक खातामा उक्त लाभांश जम्मा गरेको जनाएको छ ।
हालसम्म पनि हितग्राही खातामा बैंक खाता अद्यावधिक नगराएका इकाईधनीहरुले आफ्नो हितग्राही खाता खोलेको निक्षेप सदस्यकोमा सम्पर्क राखी हितग्राही खातामा बैंक खाता अद्यावधिक गराई समयमा नै लाभांश प्राप्त गर्न समेत आग्रह गरेको छ ।
