काठडमाडौं लकडाउनको अवस्थामा पनि आइसीएफसी फाइनान्स कम्पनीले चालु आर्थिक बर्षको तेस्रो त्रैमासको वित्तिय विवरण सार्वजनिक गरेको छ ।
फाइनान्सले तेस्रो त्रैमासको अवधिसम्ममा १० करोड ७३ लाख रुपैयाँ खुद नाफा आर्जन गर्न सफल भएको छ । गत बर्षको सोहि अवधिमा फाइनान्सले १० करोड ९५ लाख रुपैयाँ खुद नाफा आर्जन गरेको थियो । गत बर्षको तुलना फाइनान्सको खुद नाफा २ प्रतिशते घटेको छ ।
त्यस्तै फाइनान्सको संचालन नाफा समेत २ दशमलव १३ प्रतिशतले घटेको छ । संचालन नाफामा कमि आँउदा यो बर्ष कम्पनीको नाफा घटेको देखिएको छ। फाइनान्सले चालु आर्थिक बर्षको तेस्रो त्रैमासको अवधिसम्ममा १५ करोड २१ लाख रुपैयाँ संचालन नाफा गरेको छ । फाइनान्सले गत बर्षको सोहि अवधिमा १५ करोड ६३ लाख रुपैयाँ संचालन नाफा आर्जन गरेको थियो ।
समिक्षा अवधिमा फाइनान्सले ११ अर्ब ६२ करोड ४४ लाख रुपैयाँ निक्षेप संकलन गर्न सफल भएको छ भने ९ अर्ब ७ करोड ५० लाख रुपैयाँ कर्जामा लगानी गरेको छ ।
हाल फाइनान्सको चुक्ता पुँजी ९२ करोड ६५ लाख रुपैयाँ रहेको फाइनान्सको जगेडा कोषमा २७ करोड २९ लाख रुपैयाँ रहेको छ । तेस्रो त्रैमासको अन्त्यसम्ममा फाइनान्सको निष्किय कर्जा ० दशमलव ३८ प्रतिशतबाट बढेर ० दशमलव ६५ प्रतिशत पुगेको छ ।
फाइनान्सको प्रतिशेयर आम्दानी १५ रुपैयाँ ४५ पैसा , प्रतिशेष्र नेटवर्थ १४२ रुपैयाँ र मूल्य आम्दानी अनुपात १० दशमलव ९४ गुणा रहेको छ ।
