काठमाडौं, बैशाख ३ । आइएमई जनरल इन्स्योरेन्स लिमिटेड र नर्भिक इन्टरनेशल हस्पिटलबीच स्वथ्य बीमा सेवा प्रदान सम्बन्धि सम्झौता भएको छ ।
सम्झौतामा आइएमई जनरलको औषधोपचार बीमा सेवा खरिद गर्ने ग्राहकहरुले बीमा लेखको सिमासम्म रहेर नर्भिक हस्पिटलबाट नगद रहित हस्पिटलाइजेसन सेवा प्राप्त हुने उल्लेख छ ।
सम्झौता पत्रमा आइएमई जनरलको तर्फवाट प्रमुख कार्यकारी अधिकृत युगेशभक्त बादे श्रेष्ठ र नर्भिक हस्पिटलको तर्फवाट प्रमुख बजार अधिकृत प्रविण दवारले हस्ताक्षर गर्नुभएको हो ।
नर्भिक हस्पिटलले ग्राहकहरुलाई आइएमई जनरलको औषधोपचार बीमालेख खरिद गरी सेवा लिन आग्रह गरेका छन् ।
कार्यक्रममा कम्पनीका प्रमुख कार्यकारी अधिकृत युगेशभक्त वादे श्रेष्ठले कम्पनीले बैंक तथा वित्तीय संस्थाहरु, व्यापारिक प्रतिष्ठानहरु, उद्योगी तथा व्यापारी लगायत सम्पूर्ण ग्राहकहरुसँग सुमधुर सम्बन्ध स्थापित गर्दै उच्च कोटीको बीमा सेवा प्रदान गर्दे प्रतिबद्धता जनाए ।
