काठमाडौं । अरुण भ्याली हाइड्रोपावर डेभलपमेन्ट कम्पनीले शतप्रतिशत हकप्रद शेयर निष्काशनका लागि बोर्डमा आवेदन दिएको छ । कम्पनीले सो दरमा हकप्रद निष्काशन गर्न नेपाल धितोपत्र बोर्डमा असोज २१ गते आवेदन दिएको हो।
कम्पनीको हकप्रद निष्काशन तथा बिक्री प्रबन्धक मुक्तिनाथ क्यापिटल रहेको छ।कम्पनीले १ बराबर १ अनुपातमा ९९ करोड ८३ लाख २३ हजार २ सय रुपैयाँ बराबरको ९९ लाख ८३ हजार २३२ कित्ता हकप्रद शेयर निष्काशन गर्न बोर्डमा दिएको हो ।
साथै कम्पनीलाई हकप्रद निष्काशनको लागि विद्युत नियमन आयोगले गत साउन १६ गते स्वीकृती दिएको थियो ।
