काठमाडौं । नेपाल धितोपत्र बोर्र्डले अध्यक्ष पदका लागि दरखास्त आव्हान गरेको छ । धितोपत्र बोर्डले शुक्रबार एक सूचना जारी गरी अध्यक्ष पदको पदपूर्र्तिका लागि ‘धितोपत्र सम्बन्धी ऐन, २०६३’को दफा ७ बमोजिम सिफारिस गर्ने प्रयोजनको लागि गठित समितिले खुल्ला प्रतियोगिताद्धारा दरखास्त आव्हान गरेको हो ।
उक्त अध्यक्ष पदका लागि मान्यता प्राप्त विश्व विद्यालयबाट स्नाकोत्तर उपाधि हासिल गरी धितोपत्र पूँजी बजार सम्बिन्धी विकास, आर्थिक, वित्तीय, वाणिज्य, व्यवस्था वा कानुन क्षेत्रमा कम्तिमा सात वर्ष काम गरेको हुनुपर्ने जनाएको छ ।
बोर्डले अर्थमन्त्रालय अन्तर्गत रहेको बोर्ड अध्यक्ष सिफारिस गर्ने प्रयोजनार्थ गठित छनौट समितिको सचिवालयमा प्रथमपटक सूचना प्रकाशित भएको मितिले १५ दिन भित्रमा न्यूनतम शैक्षिक योग्यता र अनुभव हाँसिल गरेका इच्छुक नेपाली नागरिकले दरखास्त दिन सक्ने जनाएको छ ।
