काठमाडौं । जापानका ४ प्रमुख निर्जीवन बीमा कम्पनीले अक्टोबरदेखि कर्पोरेट अग्नि बीमा प्रिमियम १५ प्रतिशत बढाउने योजना बनाएका छन्।
निप्पोनले प्रकाशित गरेको रिपोर्टमा यो वृद्धि राष्ट्रिय औसत आधारमा पुग्ने अपेक्षा गरिएको छ। अग्नि बीमा क्षेत्रको घट्दो नाफालाई ध्यानमा राख्दै प्रिमियम बढाउने निर्णय मुख्यतया प्राकृतिक प्रकोपको बढ्दो आवृत्ति र गम्भीरताका कारण बीमा दाबी बढ्दै गएकोले लिइएको हो। ‘यसले बीमकको वित्तमा दबाब दिएको छ’, रिपोर्टमा भनिएको छ, ‘दिगो अन्डरराइटिङ अभ्यास सुनिश्चित गर्न प्रिमियम समायोजनको आवश्यकता सिर्जना गरेको छ।’
अग्नि बीमाको प्रिमियम वृद्धि योजना गत डिसेम्बरमा वित्तीय सेवा एजेन्सी (एफएसए)द्वारा जारी गरिएको व्यापार सुधार आदेश पछ्याउँदै पेस गरिएका व्यापार सुधार योजनाको अंश हो। बीमा कम्पनीहरुले कर्पोरेट बीमा पोलिसीहरुको प्रिमियममा धाँधलीमा संलग्न भएको पत्ता लगेको थियो। त्यसपछि नियामक हस्तक्षेप भएको थियो।
योजनाबद्ध प्रिमियम वृद्धिलाई उचित अन्डरराइटिङ मापदण्ड पुनर्स्थापना गर्ने र प्राकृतिक प्रकोप दाबीको बढ्दो लागतले उत्पन्न हुने वित्तीय चुनौतीलाई सम्बोधन गर्ने एउटा कदमका रुपमा हेरिएको छ।
