काठमाडौं । साताको अन्तिम कारोबार दिन बिहीबार शेयर बजार झिनो अंकले उकालो लागेको छ। नेप्से परिसूचक ०.३१ अंकले बढेर २५४४.९१ को विन्दुमा उक्लिएको हो।
यो दिन नेप्से उपसमूहमा रहेका ७ वटा उपसमूह बढेका छन् भने ६ वटा घटेका छन्। आज व्यापार समूह सर्वाधिक ०.७९ प्रतिशतले बढ्दा निर्जीवन बीमा समूह सर्वाधिक ०.४६ प्रतिशतले घटेको छ।
आज बजारमा १२३ कम्पनीको शेयरभाउ बढेको छ भने १२४ कम्पनीको घटेको छ। यो दिन ८ कम्पनीको शेयरभाउ स्थिर रहेको छ।
बजारमा आज करिब साढे ३ अर्ब रुपैयाँको कारोबार भएको छ। सर्वाधिक कारोबार हिमालयन पावर पार्टनरको भएको छ।
उच्च कारोबार भएका १० कम्पनी
- हिमालयन पावर पार्टनरः १६ करोड ८० लाख रुपैयाँ
- हिमालयन डिस्टिलरीः १३ करोड ९१ लाख रुपैयाँ
- युनियन हाइड्रोपावरः १३ करोड ३० लाख रुपैयाँ
- एनआरएन इन्फ्रास्ट्रक्चरः १३ करोड ५ लाख रुपैयाँ
- साहास ऊर्जाः १२ करोड २३ लाख रुपैयाँ
- शिवम सिमेन्टः ९ करोड ५१ लाख रुपैयाँ
- राधी विद्युतः ९ करोड ३४ लाख रुपैयाँ
- सीईडीबी होल्डिङ्सः ८ करोड ३६ लाख रुपैयाँ
- माउन्टेन इनर्जीः ८ करोड १६ लाख रुपैयाँ
- पिपुल्स पावरः ७ करोड ९८ लाख रुपैयाँ
