काठमाडौं । भियतनामले आफ्नो स्वास्थ्य बीमा प्रणालीअन्तर्गत गरिब परिवारका मानिस र सामाजिक पेन्सन लाभ प्राप्त गर्ने ७५ वर्ष वा सोभन्दा माथिका ज्येष्ठ नागरिकलाई चिकित्सा जाँच र उपचार लागतको पूर्ण रकम प्रदान गर्नेछ। यो यही जनवरी १ देखि लागू भएको छ।
भियतनामको स्वास्थ्य मन्त्रालयका अनुसार यो कदम गत डिसेम्बर ११ मा राष्ट्रियसभाले पारित गरेको प्रस्ताव पछ्याउँछ। विस्तारित कभरेजको उद्देश्य स्वास्थ्य सेवामा पहुँच सुधार गर्नु र कमजोर समूहहरुमा वित्तीय भार कम गर्नु हो।
यस प्रस्तावअनुसार स्वास्थ्य मन्त्रालयले जनवरी ६ मा अर्थ मन्त्रालयअन्तर्गत भियतनाम सामाजिक सुरक्षाका साथै राज्य र नगरपालिका स्वास्थ्य विभाग र देशभरका चिकित्सा सुविधालाई एक तत्काल सूचना जारी गर्यो। जसमा नयाँ योग्य समूहका लागि लाभ कोडहरु तुरुन्तै अद्यावधिक गर्न माग गरिएको थियो।
यी परिवर्तनअन्तर्गत गरिब परिवारका स्वास्थ्य बीमा कार्डधारकहरुले जनवरी १ देखि कभर गरिएको चिकित्सा खर्चको ९५ प्रतिशतबाट १०० प्रतिशतसम्म रकम फिर्ता पाउनेछन्। – एजेन्सी
