काठमाडौं । अपर हेवाखोला हाइड्रोपावर कम्पनीले विद्युत नियमन आयोगबाट १०० प्रतिशत हकप्रद शेयर जारी गर्न पूर्वस्वीकृति प्राप्त गरेको छ।
आयोगले अपर हेवाखोला हाइड्रोपावरलाई सोमबार पत्र पठाउँदै हकप्रद शेयर जारी गर्न पूर्वस्वीकृति प्रदान गरेको हो। अब कम्पनीले हाल कायम चुक्तापुँजी ५७ करोड ५० लाख रुपैयाँको १ः१ अनुपातमा अर्थात ५७ करोड ५० लाख रुपैयाँबराबरको हकप्रद शेयर ल्याउन थप प्रक्रिया अगाडि बढाउनेछ।
अब नेपाल धितोपत्र बोर्डमा निवेदन दिएपछि स्वीकृति पाएको खण्डमा कम्पनीले १०० रुपैयाँ अंकित दरका कुल ५७ लाख ५० हजार कित्ता हकप्रद शेयर आफ्ना शेयरधनीहरुलाई बिक्री खुला गर्नेछ।
