काठमाडौं । आज शेयर बजार दोहोरो अंकले घटेर बन्द भएको छ । आज शेयर बजार नेप्से परिसूचक ३३ दशलमव ३३ अंकले घटेर २,६७० को विन्दुमा कायम भएको छ । आज २३ कम्पनीको ेशयर मूल्य मात्रै बढेको छ भने २२१ कम्पनीको शेयर मूल्य घटेको छ ।
आज दिनभरिमा ३२२ कम्पनीको १ करोड १४ हजार कित्ता शेयर किनबेच हुँदा ५ अर्ब ६५ करोड माथिको शेयर कारोबार भएको छ । आज सबैभन्दा धेरै हिमालयन रिइन्स्योरेन्सको शेयर कारोबार भएको छ । आज यस कम्पनीको ५० करोड ३६ लाख रुपैयाँको शेयर कारोबार भएको छ । एनआरएनको ४३ करोड २१ लाख रुपैयाँको शेयर कारोबार भएको छ । नेपाल पुनर्बीमाको ३३ करोड १७ लाख रुपैयाँको शेयर कारोबार भएको छ ।
आज सबैभन्दा धेरै बुटवल पावर कम्पनीका लगानीकर्ताले कमाएका छन् । आज यस कम्पनीका लगानीकर्ताले ६ दशलमव ७५ प्रतिशतका दरले कमाएका हुन् । बराही हाइड्रोपावरका लगानीकर्ताले ४ दशलमव ७९ प्रतिशतका दरले कमाएका छन् । कुमारी सबल योजनका इकाईधनीले ४ दशलमव ६० प्रतिशतका दरले कमाएका छन् ।
आज सबैभन्दा धेरै हिमालयन पावर पार्टनरका लगानीकर्ताले गुमाएका छन् । आज यसका लगानीकर्ताले ५ दशलमव ३५ प्रतिशतका दरले गुमाएका हुन् ।
