काठमाडौं । फिनिक्स मिल्स लिमिटेड भारतको पहिलो कम्पनी बनेको छ जसले न्यू इण्डिया एस्योरेन्सद्वारा शुरू गरिएको र म्युनिख रिद्वारा पुनर्बीमा गरिएको प्यारामेट्रिक बीमालेख मार्फत महामारीसँग सम्बन्धित व्यवसायिक अवरोधहरूको लागि जोखिम बहनको सुविधा प्राप्त गरेको छ।
ग्यालाघर इन्स्योरेन्स ब्रोकर्सद्वारा विकसित यो बीमालेखले भारतभरका फिनिक्स मिल्सका मल, होटल र कार्यालयहरूलाई महामारीका घटनाहरूबाट हुने अाय नोक्सानी र अतिरिक्त खर्चहरू विरूद्ध सुरक्षा प्रदान गर्नेछ। यो बीमा सुविधाले द्रूत दाबी भुक्तानीका लागि पूर्वनिर्धारित सूचक र शर्तहरूमा आधारित रहेर दाबी भुक्तानी दिलाउनेछ।
यो पहलले भारतमा निर्जीवन व्यापार अवरोध जोखिम बहनको अभ्यास विकास गर्न कोसेढुङ्गा हुने विश्वास फिनिक्स मिल्सको छ।
यो नयाँ सम्झाैताको घोषणा मुम्बईको जियो वर्ल्ड कन्भेन्सन सेन्टरमा तीनै कम्पनीका वरिष्ठ अधिकारीहरूको उपस्थितिमा गरिएको थियो।
फिनिक्स मिल्स लिमिटेड भारतको ठूला शहरहरूमा फिनिक्स मल ब्राण्डमा सुपरस्टोर र सपिङ मल सञ्जाल सञ्चालन गर्ने व्यवसायीक प्रतिष्ठान् हो।
