काठमाडौं । पाँचथर पावर कम्पनीले हकप्रद शेयर ल्याउने प्रक्रिया अगाडि बढाएको छ।
पाँचथर पावरले नेपाल धितोपत्र बोर्डमा निवेदन दिँदै हकप्रद शेयर ल्याउने प्रक्रिया अगाडि बढाएको छ। धितोपत्र बोर्डले अनुमति दिएमा यो कम्पनीले हाल कायम चुक्तापुँजीको १ः१ अनुपातमा अर्थात १०० प्रतिशत हकप्रद शेयर जारी गर्नेछ।
कम्पनीले ९६ करोड २५ लाख रुपैयाँबराबरको हकप्रद शेयर जारी गर्न अनुमति मागेको छ। जसअनुसार कम्पनीले ९६ लाख २५ हजार कित्ता हकप्रद शेयर आफ्ना शेयरधनीहरुलाई जारी गर्नेछ।
कम्पनीको हकप्रद शेयर बिक्री प्रबन्धकमा सानिमा क्यापिटल रहेको छ।
