काठमाडौं । अनलाइन सेक्युरिटिज (स्टक ब्रोकर नम्बर ४९) का अध्यक्ष अनन्त पौडेलको निधन भएको छ।
लामो समयदेखि बिरामी अवस्थामा रहेका पौडेलको बिहीबार दिउँसो साढे ३ बजेतिर ललितपुरको बीएन्डबी अस्पतालमा निधन भएको पारिवारिक स्रोतले बतायो। उनको अन्तिम संस्कार आजै पशुपति आर्यघाटमा गर्ने तयारी भइरहेको छ।
पौडेल लामो समयदेखि मिर्गौला रोगबाट पीडित थिए।
पौडेल शेयर बजारमा राम्रो छवि भएका ब्रोकरका रुपमा परिचित थिए। उनको निधनसँगै ब्रोकरहरुसँगै लगानीकर्ता पनि स्तब्ध बनेका छन्।
