काठमाडौं । अब निर्जीवन बीमा कम्पनीहरुले नेपालमा सञ्चालन हुन आउने विदेशमा दर्ता भएका सवारीसाधनको तेस्रो पक्ष बीमा गर्न पाउने भएका छन्।
नेपाल बीमा प्राधिकरणले नीतिगत निर्णय गर्दै बीमकहरुका लागि यो सुविधा थप गरिएको दिएको हो। अब सबै इजाजतपत्र प्राप्त निर्जीवन बीमक र लघु निर्जीवन बीमकले सवारीसाधनको मोटर बीमादरसम्बन्धी निर्देशिका, २०७३ बमोजिम विदेशमा दर्ता भएका सवारीसाधनको नेपालभित्र सञ्चालन हुने अवधिसम्मका लागि तेस्रो पक्ष बीमा गर्न सक्नेछन्।
यसअघि विदेशमा दर्ता भएका सवारीसाधनको नेपालमा सञ्चालन हुन आउँदा तेस्रो पक्ष बीमाको व्यवस्था रहेको थिएन।
