काठमाडौं । स्वास्थ्य बीमा कार्यक्रममा आबद्ध २१७ वटा सेवा प्रदायक स्वास्थ्य संस्थालाई १ अर्ब रुपैयाँ बढी भुक्तानी गरिएको छ।
स्वास्थ्य बीमा बोर्डको जेठ १२ गतेको निर्णयबमोजिम ती स्वास्थ्य संस्थालाई १ अर्ब ३ करोड २४ लाख ७७ हजार रुपैयाँ भुक्तानी गरिएको हो। उक्त रकम सम्बन्धित स्वास्थ्य संस्थाको बैंक खातामा पठाइएको बोर्डले जनाएको छ।
सबैभन्दा धेरै भुक्तानी पाउनेमा मोरङको नबिल मेडिकल कलेज रहेको छ। यो अस्पतालले ३ करोड ७९ लाख ९४ हजार रुपैयाँ भुक्तानी पाएको छ।
यसैगरी दोस्रो धेरै भुक्तानी पाउनेमा चितवनको भरतपुर अस्पताल रहेको छ। यो अस्पतालले ३ करोड ७९ लाख ८३ हजार रुपैयाँ भुक्तानी पाएको छ।
तेस्रो धेरै भुक्तानी पाउनेमा मोरङकै विराट मेडिकल कलेज टिचिङ हस्पिटल रहेको छ। यो अस्पतालले ३ करोड ३३ लाख ४७ हजार भुक्तानी पाएको छ।
त्यसो त स्वास्थ्य बीमा बोर्डले वित्तीय संकट देखाएर जेठ १६ गतेदेखि लागू हुने गरी निजी अस्पतालहरुमा आकस्मिकबाहेक सबै स्वास्थ्य बीमा सेवा स्थगित गर्ने निर्णय गरिसकेको छ।
कसले कति पाए ?
Hospital payment
