काठमाडौं । माछापुच्छ्रे बैंकले आफ्नो संस्थागत ग्राहकहरुका लागि बैंक खाताबाटै डिजिटल भुक्तानी गर्न सकिने गरी “कर्पोरेट पे” प्रणालीको सुरुवात गर्न नेपाल क्लियरिङ्ग हाउससँग सहकार्य गरेको छ ।उक्त सम्झौता पत्रमा बैंकका सिईओ सन्तोष कोइराला तथा नेपाल क्लियरिङ्ग हाउसका सिईओ नीलेश मान सिंह प्रधानले हस्ताक्षर गरेका छन् ।
सम्झौता पश्चात् बैंकका व्यावसायिक ग्राहकहरुले (विभिन्न संघ संस्था, सरकारी कार्यालयहरु) बैंकको मोबाइल बैंकिङ्ग एप तथा इन्टरनेट बैंकिंङ्ग एप मार्फत बैंकमा नगई जहाँकहिँबाट आफैँले फण्ड ट्रान्स्फर, तलब भुक्तानी, विभिन्न सेवाहरुको भुक्तानी, सरकारी राजस्व भुक्तानी लगायतका अन्य विभिन्न व्यावसायिक भुक्तानीहरु खाताबाटै सजिलै गर्न सक्नेछन् ।
