काठमाडौं । बीमा समितिले आज जारी गरेको कृषि तथा पशुपंक्षी बीमा निर्देशिका २०७७ अनुसार चालु आर्थिक वर्षदेखि हरेक निर्जिवन बीमा कम्पनीहरुले बार्षिक कूल व्यवसायको पाँच प्रतिशत कृषि बीमा अनिवार्य गरिएको छ ।
नयाँ निर्देशिका मार्फत निर्जिवन बीमा कम्पनीहरुले बीमक कम्पनीहरुलाई कृषि बीमा बाध्यकारी बनाएको हो । निर्जिवन बीमा कम्पनीहरुले कृषि बीमातर्फ आकर्षित नभएपछि बीमा समितिले खुद बीमा शुल्कको पाँच प्रतिशत बीमा शुल्क कृषि बीमा बापत हुनुपर्ने व्यवस्था गरेको हो ।
बीमा समितिले आज जारी गरेको कृषि तथा पशुपंक्षी बीमाको लागि बनस्पति तथा जीवजन्तु बीमा गरी दुई भागमा बर्गीकरण गरेर बीमा गर्नुपर्ने व्यवस्था गरेको छ । नयाँ व्यवस्था अनुसार छोटो अवधीको बीमालेखमाथि समयावधी बढाउन नपाइने व्यवस्था गरेको छ ।
नयाँ व्यवस्था अनुसार कृषि तथा पशुपंक्षी बीमा पोलिसी जारी गर्दा मोटामोटी वा अन्दाजी मूल्य राख्न नपाइने व्यवस्था नयाँ निर्देशिकामा उल्लेख गरिएको छ । नयाँ व्यवस्था अनुसार कृषि तथा पशुपंक्षी बीमा पोलिसी जारी गर्दा बीमा गरिएको सम्पत्तिको फोटो तथा भिडियो राख्नुपर्ने व्यवस्था गरेको छ ।
नयाँ व्यवस्था अनुसार बीमा अस्वीकार गर्न नपाइने, बिमाङ्क परिवर्तन गर्न नपाइने व्यवस्था गरिएको छ । उक्त व्यवस्थाले बीमा कम्पनीहरुमाथि कृषि बीमा गर्न बाध्यकारी बनाएको छ । यसअघि धेरै निर्जिवन बीमा कम्पनीहरुले कृषि तथा पशु बीमा अस्वीकार गर्ने गरेका गुनासोहरु आउने गरेका थिए ।
नयाँ व्यवस्था अनुसार कृषि तथा पुशपंक्षी बीमा गर्दा बीमा मध्यस्थकर्ताको व्यवस्था गरेको छ । त्यसैगरी, छुट्टै कृषि तथा पशुपंक्षी बीमा अभिकर्ता व्यवस्था गरेको छ । यसले ग्रामिण भागमा नयाँ थप रोजगारी सिर्जना गर्ने देखिएको छ । अभिकर्ताहरुलाई कूल बीमा शुल्कको १० प्रतिशत कमिशनको व्यवस्था गरिएको छ ।
त्यस्तै कृषि तथा पशुपंक्षी बीमाको लागि छुट्टै मूल्याङ्कनकर्ताको व्यवस्था समेत गरिएको छ । नयाँ व्यवस्था अनुसार यसअघि सर्भेयरले गर्ने काम पशु तथा बालीमा पुगेको क्षतिको मूल्याङ्कन बीमा समितिले तोकेको मूल्याङ्कनकर्ताले गर्ने व्यवस्था गरिएको छ ।
कृषि तथा पशुपंक्षी बीमाको पूर्णपाठः
कृषि-बीमा-निर्देशिका-2077
