काठमाडौं । गुराँस लाईफ इन्स्योरेन्स कम्पनीले धनगढीका चौधरी परिवारलाई १० लाख ७८ हजार रुपैयाँ बीमा दावी भुक्तानी गरेको छ ।
आफ्नै घरमा मोटर चलाउने क्रममा करेन्ट लागेर मृत्यु भएका सुदूरपश्चिम प्रदेशको धनगढीस्थित जीत बहादुर चौधरीको परिवारलाई सो रकम बराबरको चेक रकम हस्तान्तरण गरेको हो ।
२०७५ साल मा पाँच लाख रुपैयाँको जीवन बीमा गरेका ३५ बर्षिय जित बहादुर चौधरीको यसै वर्ष घरमा सरसफाईका लागि पानी मोटर चलाउने क्रममा करेन्ट लागेर असामयिक निधनले भएको थियो ।
कम्पनीले बीमाङ्क रकममा मृत्यु बीमा दावी तथा बोनस समेत थपेर दावी भुक्तानी गरेको गुराँस लाईफ इन्स्योरेन्स कम्पनीका सुदुरपश्चिम प्रदेश संयोजक तारा सिंह बमले जानकारी दिए ।
