काठमाडौं । कात्तिक मसान्तसम्म एनआइबीएल सहभागीता फन्डको प्रतिइकाई खुद मूल्य (न्याभ) बढेको छ । गत महिनाको तुलनामा फन्डको न्याभ ६३ पैसाले बढेर ११ रुपैयाँ ९१ पैसा पुगेको छ । अघिल्लो महिनामा फन्डको न्याभ ११ रुपैयाँ २८ पैसा रहेको थियो ।
सूचीकृत कम्पनीहरुको शेयरमा लगानी ६ दशमलव ५३ प्रतिशतले घटेर १३ करोड ४८ लाख रुपैयाँ कायम भएको छ ।अघिल्लो महिनामा फन्डले सूचीकृत शेयरमा १४ करोड ४२ लाख ७७ हजार रुपैयाँ लगानी गरेको थियो ।यस फन्डले अहिले ४२ वटा सूचीकृत कम्पनीको शेयरमा लगानी गरेको छ ।
