काठमाडौं । मल्टिपर्पस फाइनान्सले मंसिर १९ गते आर्थिक वर्ष २०७५।७६ को २२ औं वार्षिक साधारण सभा बोलाएको छ । फाइनान्सले उक्त सभाका लागि केन्द्रीय कार्यालय राजविराज, सप्तरीमा बिहान ११ बजे डाकेको छ ।
फाइनान्सको २२ औं वार्षिक साधारण सभामा लाभांश बाहेकका सामान्य प्रस्तावहरु मात्र राखिएको छ । उक्त सभाले आर्थिक वर्ष २०७५/७६ को वार्षिक प्रतिवेदन, नाफा नोक्सान हिसाब, लेखापरीक्षकको नियुक्ति र पारिश्रमिक तोक्ने लगायत प्रस्तावहरु उपर छलफल गरी पारित गर्ने भएको छ ।
साधारण सभा प्रयोजनका लागि फाइनान्सले मंसिर ११ गतेदेखि बुकक्लोज गरिसकेको छ । जसका कारण मंसिर १० गतेसम्म कायम रहेको शेयरधनीले मात्र सभामा सहभागी हुन पाउनेछन् ।
