काठमाडौं । डिजिटल वालेट मार्फत हुने सबै प्रकारका राजश्व भुक्तानी कारोबारमा पुस मसान्तसमम शुल्क नलिन नेपाल राष्ट्र बैंकले निर्देशन दिएको छ । नेपाल राष्ट्र बैंकले निर्देशन जारी गर्दै नेपाल सरकारको राजश्व व्यवस्थापन सूचना प्रणालीमा आबद्ध भुक्तानी सेवा प्रदायकलाई यस्ता निर्देशन दिएको हो ।
वर्तमान कोभिड १९ को असहज अवस्थालाई दृष्टिगत गर्दै आगामी २०७७ पुस मसान्तसम्म केन्द्रीय बैंकले राष्ट्र बैंकबाट अनुमति प्राप्त सबै भुक्तानी सेवा प्रदायकलाई सबै कारोबार निशुल्क गर्न निर्देशन दिएको जनाएको छ ।
यसअघि भुक्तानी सेवा प्रदायकहरुले सरकारलाई बुझाउने राजश्वअनुसार १ हजार रुपैयाँको कारोबार निःशुल्क तथा १ हजारभन्दा बढी रकमको भुक्तानीमा ५ देखि ३० रुपैयाँसम्म शुल्क लिँदै आएका थिए ।
