काठमाडौं । समीट लघुवित्तका शेयरधनीहरुले यो बर्ष लाभांश नपाउने भएका छन् ।कम्पनीको बिहिबार बसेको संचालक समितिको बैठकले गत आर्थिक वर्ष २०७६/ ७७ का लागि कुनै पनि लाभांश प्रस्ताव नगरेको निर्णय गरेको हो ।
गत वर्षको वित्तीय विवरण र सो सम्बन्धि अनुसूचीहरु प्रकाशन गरी स्वीृकतिका लागि नियामक निकाय नेपाल राष्ट्र बैंकमा पेश गर्ने निर्णय कम्पनीको असोज १ गतेको संचालक समितिको बैठकले गरेको छ ।
समिट र सजिलो लघुवित्त एक आपसमा मर्ज भएर असोज ६ गतेबाट एकीकृत कारोबार सुरु गर्दैछन् । मर्जर सम्झौतासँगै समिट लघुवित्तको माघ २३ गतेबाट नेप्सेमा शेयर कारोबार रोक्का छ ।
