काठमाडौं । मुक्तिनाथ विकास बैंकले सहज र सुरक्षित बैंकिङ् कारोबार गर्न ई टेलर सेवा संचालकमा ल्याएको छ ।ई टेलर मार्फत ग्राहकहरुले चेकको प्रयोग नगरी आफ्नो मोबाइल बैंकिङ्ग एपमा लग इन गरेर काउन्टरमा भएको क्यू आर कोड स्क्यान गरी खाताबाट रकम झिक्न सक्नेछन् । यो सेवा बैंकको सम्पूर्ण शाखाहरु मार्फत ग्राहकले पाउने बैंकले जनाएको छ ।
बैंकले ग्राहक र कर्मचारीहरुको सेवालाई थप सुरक्षित गर्नका लागि यो सेवा संचालनमा ल्याएको जनाएको छ ।
कोरोनाको संक्रमणबाट सुरक्षित भई डिजिटल बैंकिङ्ग कारोबार प्रोत्साहन गर्न बैंकको ग्राहकले भिसा नेटवर्क अन्तर्गत जुन सुकै बैंकको एटिएमबाट विना कुनै शुल्क रकम झिक्न सकिने व्यवस्था गरिएको समेत बैंकले जनाएको छ।
