काठमाडौं । सरकारले स्थापना गरेको कोरोना संक्रमण रोकथाम, नियन्त्रण र उपचार कोषमा प्रभु र सनराइज बैंकले २ करोड १८ लाख रुपैयाँ सहयोग गरेका छन् ।
उक्त कोषमा प्रभु बैंकले १ करोड ३९ लाख १८ हजार २३८ रुपैयाँ र सनराइज बैंकले ७९ लाख ४४ हजार ७०६ रुपैयाँ सहयोग गरेका हुन् ।
उक्त रकम दुवै बैंकले अर्थमन्त्री डा. युवराज खतिवडालाई हस्तान्तरण गरेको जनाएको छ ।
मौद्रिक नीति, २०७७र७८ मा बैंक तथा वित्तीय संस्थाहरुको संस्थागत सामाजिक उत्तरदायित्वमा आर्थिक वर्ष २०७६र७७ को असारसम्म खर्च हुन बाँकी रकम नेपाल सरकारले स्थापना गरेको कोरोना संक्रमण रोकथाम, नियन्त्रण र उपचार कोषमा जम्मा गर्नुपर्ने व्यवस्था अनुरुप दुवै बैंकले उक्त रकम सहयोग गरेको समेत बताएको छ ।
