काठमाडौं । एनआइसी एशिया लघुवित्त वित्तीय संस्थाले गत आवको चौथो त्रैमासमाको वित्तीय विवरण प्रकाशन गरेको छ । संस्थाको नाफा यस अवधिसम्ममा ७८ प्रतिशतले वृद्धि गर्न सफल भएको छ ।
अघिल्लो आवको चौथो त्रैमासमा कम्पनीले ११ करोड ३ लाख नाफा कमाएकोमा गत आवको सोही अवधिमा वृद्धि भएर १९ करोड ६४ लाख पुगेको हो ।
आईपीओ निष्कासन पछि कम्पनीको चुक्तापूँजी १ अर्ब ४८ करोड पुगेको छ । गत आवको चौथो त्रैमासमा कम्पनीले जगेडा कोषमा ३० करोड १६ लाख सञ्चित गरेको छ ।
गत आवको चौथो त्रैमासाम कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढेको देखिन्छ । सो अवधिमा कम्पनीको खु्द ब्याज आम्दानी ९० प्रतिशत र सञ्चालन नाफा ७७ प्रतिशत वृद्धि भएको हो ।
साथै कम्पनीले गत आवको चौथो त्रैमासमा ७६ लाख ९४ हजार खराब कर्जा उठाएको छ । सोही अवधिमा कम्पनीले ५ अर्ब ८४ करोड सापटि लिएर, ९५ करोड ५५ लाख निक्षेप संकलन गरेर ६ अर्ब ९५ करोड कर्जा लगानी गरेको छ ।
निष्क्रिय कर्जा शून्य दशलमव ९९ प्रतिशत , प्रतिशेयर आम्दानी १९ रुपैयाँ ४८ पैसा वार्षिक, मूल्य आम्दानी अनुपात २७ दशमलव ३१ गुणा र प्रतिशेयर नेटवर्थ १२० रुपैयाँ ३८ पैसा रहेको छ ।
