काठमाडौं । साताको तेस्रो दिन नेप्से ६ दशमलव ६१ अंकले घटेर १४४२ दशमलव ८१ को विन्दुमा कायम भएको छ । आज १ सय ९० कम्पनीको ३६ लाख ३० हजार ८ सय ४५ कित्ता शेयर किनबेच हुँदा १ अर्ब २७ करोड रुपैयाँ माथिको कारोबार भएको छ ।
म्युचअल फन्ड बाहेक अन्य क्षेत्रको उपसूचकमा राताम्मे भएको छ । सबैभन्दा धेरै नेपाल पुनर्बीमा कम्पनीको शेयरको १२ करोड १६ लाख रुपैयाँ बराबरको कारोबार भएको छ । त्यस्तै, नेपाल लाइफको ८ करोड ३९ लाख रुपैयाँको कारोबार भएको छ ।
अजोड इन्स्योरेन्सका लगानीतकर्ताले ९ दशमलव ९४ प्रतिशतका दरले कमाएका छन् भने साधाना लघुवित्तका लगानीकर्ताले ९ दशमलव ८१ प्रतिशतका दरले कमाएका छन् ।
नेपाल फाइनान्सका लगानीकर्ताका लगानीकर्ताले ९ दशमलव ८० प्रतिशतका दरले गुमाएको छ भने कालिका लघुवित्तका लगानीकर्ताले ५ दशमलव ४६ प्रतिशतका दरले गुमाएका छन्।
