काठमाडौं । सामुदायिक लघुवित्त वित्तीय संस्थाले आर्थिक वर्ष २०७६/ ७७ को अपरिष्कृत वित्तीय विवरण प्रकाशन गरेको छ । संस्थाले अघिल्लो आर्थिक वर्षको तुलनामा गत आर्थिक वर्ष ०७६/७७ मा खुद नाफा घटेको विवरण सार्वजनिक गरेको छ ।
लघुवित्तले गत आर्थिक वर्षमा १ करोड ३२ लाख रुपैयाँ खुद नाफा गरेको छ। जुन अघिल्लो आर्थिक वर्षको तुलनामा ९८ लाख ३३ हजार रुपैयाँ कम हो। अघिल्लो आर्थिक वर्षको अन्त्यसम्ममा लघुवित्तले २ करोड ३० लाख रुपैयाँ खुद नाफा कमाएको थियो।
१० करोड चुक्ता पूँजी रहेको यस लघुवित्तको जगेडा कोषमा ८ करोड ८१ लाख रुपैयाँ सञ्चित छ। लघुवित्तले ८ करोड ४० लाख रुपैयाँ खुद ब्याज आम्दानी गरेको छ। लघुवित्तको सञ्चालन मुनाफा उच्चदरले घटेको छ ।
लघुवित्तको खराब कर्जा १ दशमलव ४५ प्रतिशतबाट बढेर ३ दशमलव ५८ प्रतिशत पुगेको छ । लघुवित्तको प्रतिशेयर आम्दानी १३ रुपैयाँ २३ पैसा कायम भएको छ लघुवित्तको प्रतिशेयर नेटवर्थ १८८ रुपैयाँ ९९ पैसा छ।
गत आर्थिक वर्षको अन्त्यसम्म लघुवित्तले ४३ करोड ११ लाख रुपैयाँ निक्षेप संकलन तथा ५६ करोड २० लाख रुपैयाँ सापटीबाट १ अर्ब १० करोड ८६ लाख रुपैयाँ कर्जा प्रवाह गरेको छ।
