काठमाडौं । नेपाल धितोपत्र बोर्डले बोर्डबाट स्वीकृति नगरेका निष्काशन तथा योजनाहरुमा सहभागी नहुन सर्वसाधारणलाई आग्रह गरेको छ । बोर्डले एक सूचना जारी गर्दै यस्तो जानकारी दिएको हो ।
बोर्डले केहि समययता विभिन्न संचार माध्यममा विदेशमा दर्ता भएको कम्पनी सगुन इन्कर्पोशन जस्ता कम्पनीले नेपाली लगानीकर्ताहरुलाई लक्षित गरी धितोपत्रको सावर्जनिक निष्काशन जारी गरेको समाचार र विज्ञापनहरु प्रति गम्भीर ध्यानाकर्षण गराएको छ । बोर्डले यस्ता कम्पनीहरुले निष्काशन गरेको आईपिओमा लगानी नगर्न लगानीकर्ताहरुलाई आग्रह गरेको छ ।
यसका साथै बोर्डले अनुमति प्राप्त नगरेका निष्काशन तथा योजनाहरुके विज्ञापन तथा सूचना प्रकाशन नर्गन संचार माध्यमहरुलाई आग्रह गरेको छ। बोर्डको स्वीकृति बिना गैर कानुनी हुने र यसले लगानीकर्ताको हित संरक्षण नहुने भन्दै बोर्डले बोर्डबाट स्वीकृत पाएका निष्काशन तथा योजनामा मात्र सहभागी हुन लगानीकर्ताहरुलाई आग्रह गरेको छ ।
