काठमाडौं । एशियालाी विकास बैंक(एडिबी)ले कोरोना भाइरसको महामारीविरुद्ध लड्न नेपाललाई सहयोग गर्ने निर्णय गरेको छ। एडिबीले नेपाललाई ३० लाख अमेरिकी डलर अर्थात ३६ करोड बराबर नेपाली रूपैयाँ सहायता स्वीकृत गरेको छ । बैंकले एशिया प्यासिफिक डिजास्टर रिसेन्स कोष (एपीडीआरएफं बाट उक्त रमक अनुदान उपलब्ध गराउने भएको हो।
उक्त रकम नेपालमा क्वारिन्टाइन सुविधा बढाउन, विदेशबाट आपतकालिन फर्केका आप्रवासीहरु, सीमा क्षेत्रमा रहेका मानिसको सुरक्षित व्यवस्थापनका लागि गर्नुपर्ने जनाएको छ ।
साथै कोरोना रोकथाम तथा नियन्त्रणका लागि ल्याब तथा मेडिकल सामग्री, औषधि तथा संक्रमण नियन्त्रणका लागि आवश्यक सामाग्री खरिदका लागि पनि यो रकम प्रयोग हुने एडिबीले जनाएको छ।
