काठमाडौं । नाडेप लघुवित्त वित्तीय संस्थाले गत आर्थिक बर्षको मुनाफाबाट शेयरधनीहरुलाई वितरण गर्ने लाभांश प्रस्ताव गरेको छ ।
कम्पनीको असार ११ गते बसेको संचालक समितिको ११८ औ बैठकले आर्थिक वर्ष २०७५/७६ को मुनाफाबाट हाल कायम रहेको चुक्ता पुँजी ३६ करोड ८० लाख रुपैयाँको आधारमा १० प्रतिशत बोनस वितरणको प्रस्ताव गरेको छ । साथै बोनसमा बोनसमा लाग्ने कर तिर्न नगद लाभांश पनि दिने प्रस्ताव गरेको लघुवित्तले जनाएको छ ।
प्रस्तावित लाभांश नियामक राष्ट्र बैंकले स्वीकृत गरेपछि वितरण गरिने कम्पनीले जानकारी दिएको छ । १० प्रतिशत बोनश पश्चात् कम्पनीको चुक्ता पुँजी ४० करोड ४८ लाख रुपैयाँ पुग्नेछ ।
