काठमाडौं । नेपाल राष्ट्र बैंकले नागरिक बचतपत्र २०८२ को निष्काशनको बिक्री अवधि थपेको छ । केन्द्रीय बैंकले एक सूचनामार्फत पाँचवर्षे अवधिका लागि बिक्री गर्न लागिएको उक्त बचतपत्रको अवधि असार २९ गतेसम्मका लागि बढाइएको जनाएको छ ।
बैंकले गत जेठ १ गतेदेखि जेठ मसान्तसम्म मात्रै सो बचतपत्र बिक्री गर्ने जनाएको थियो । लकडाउन तथा कोरोनाका कारणले गर्दा अवधि थप गरिएको केन्द्रीय बैंकले बताइएको छ ।
चार अर्ब रुपैयाँ बराबरको ‘नागरिक बचतपत्र २०८२’ नाम दिइएको उक्त बचतपत्रमा वार्षिक नौ प्रतिशत व्याज प्राप्त हुनेछ । नेपाली नागरिकले मात्र खरिद गर्न पाउने उक्त बचतपत्र धितो राखी बैंक तथा वित्तीय संस्थाबाट कर्जा लिन वा दिन पाउने सुविधासमेत दिइएको छ । व्याजकर लाग्ने उक्त बचतपत्रमा ६/६ महिनामा भुक्तानी हुने व्यवस्था गरिएको छ ।
घटीमा १० हजार र बढीमा कूल निष्काशित रकमको सीमामा नबढाई १० हजारले भाग गर्दा निषेश भाग जाने अङ्क बराबरको खरिद गर्न पाइने व्यवस्था गरिएको छ ।
