काठमाडौं । हिमालयन जनरल इन्स्योरेन्स कम्पनीले तेस्रो त्रैमासका वित्तीय विवरण सार्वजनिक गरेको छ । तेस्रो त्रैमासको अवधिसम्ममा कम्पनीको खुद बीमाशुल्क आर्जन घटेको छ । चालु आर्थिक बर्षको चैत मसान्तसम्ममा कम्पनीले १० करोड ४१ लाख रुपैयाँ खुद बीमाशुल्क आर्जन गर्न सफल भएको छ । गत बर्षको सोहि अवधिमा कम्पनीले २२ करोड ११ लाख रुपैयाँ खुद बीमाशुल्क आर्जन गरेको थियो ।
समिक्षा अवधिमा कम्पनीको कुल बीमाशुल्क आर्जन ९६ करोडबाट घटेर ८४ करोडमा झरेको छ । कम्पनीले प्रकाशन गरेको वित्तिय विवरण अनुसार चालु आर्थिक बर्षको तेस्रो त्रैमासको अवधिसम्मममा ११ करोड २५ लाख रुपैयाँ खुद नाफा आर्जन गर्न सफल भएको छ । कम्पनीले गत बर्षको सोहि अवधिमा १२ करोड ५९ लाख रुपैयाँ खुद नाफा आर्जन गरेको थियो । गत बर्षको तुलनामा कम्पनीको खुद नाफा २ दशमलव ११ प्रतिशतले घटेको हो ।
कम्पनीले चैत मसान्तसम्ममा तीन हजार ९ सय ५८ वटा दाबी वापत २२ करोड ८१ लाख रुपैयाँ बराबरको दाबी भुक्तानी गरेको छ भने एक हजार भन्दा बढी दाबी वापतको १ अर्ब ३४ करोड रुपैयाँ दाबी भुक्तानी गर्न बाँकि रहेको छ ।
कम्पनीको चुक्ता पुँजी १ अर्ब २ करोड रुपैयाँ रहेको छ । जगेडा कोष भने २१ करोड ८४ लाख रुपैयाँ रहेको छ भने बीमा कोषमा ५५ करोड ५० लाख रुपैयाँ संचित रहेको छ। कम्पनीको प्रतिशेयर आम्दानी १० रुपैयाँ ९६ पैसा रहेको छ भने प्रतिशेयर नेटवर्थ १८५।३० रुपैयाँ रहेको छ ।
