काठमाडौं । नेपाल पुनर्बीमा कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । कम्पनीले प्रकाशन गरेको वित्तिय विवरण अनुसार मुनाफा १२ प्रतिशतले वृद्धि भएको छ । कम्पनीले पुस मसान्तसम्ममा ६२ करोड ३३ लाख रुपैयाँ नाफा आर्जन गर्न सफल भएको छ । कम्पनीले गत बर्षको सोहि अवधिमा ५५ करोड ७९ लाख रुपैयाँ खुद नाफा आर्जन गरेको थियो ।
समिक्षा अवधिमा कम्पनीले जीवन बीमा कम्पनीहरुमार्फत ६ करोड २ लाख रुपैयाँ खुद नाफा आर्जन गर्न सफल भएको छ भने निर्जवन बीमा कम्पनी मार्फत ५६ करोड, ३२ लाख रुपैयाँँ खुद नाफा आर्जन गर्न सफल भएको छ ।
त्यस्तै, कम्पनीले पुस मसान्तसमम्मा जीवन बीमा कम्पनीहरु मार्फत १९ करोड ९८ लाख रुपैयाँ र निर्जिवन बीमा कम्पनीहरु मार्फत २ अर्ब ८१ करोड रुपैयाँ खुद बीमाशुल्क आर्जन गर्न सफल भएको छ ।कम्पनीले गत बर्षको सोहि अवधिमा जीवन बीमा कम्पनीहरु मार्फत १९ करोड ८६ हजार रुपैयाँ गरी २ अर्ब ९९ करोड रुपैयाँ खुद बीमाशुल्क आर्जन गर्न सफल भएको थियो । गत बर्षको तुलनामा कम्पनीको खुद बीमाशुल्क आर्जनमा सुधार आएको छ।
हाल कम्पनीको चुक्ता पुँजी ८ अर्ब ४० करोड रुपैयाँ रहेकोमा गत चैत्रको पहिलो साता आइपीओ निष्सकासन पश्चात् कम्पनीको पुँजी १० अर्ब पुगीसकेको छ । कम्पनीको निर्जीवन व्यवसायतर्फको जगेडा कोषमा २ अर्ब ५ करोड रुपैयाँ सञ्चित रहेको छ भने जीवन व्यवसायतर्फको जगेडा कोषमा भने ४८ करोड ४६ लाख रुपैयाँ सञ्चित रहेको छ । जसअनुसार कम्पनीको जगेडा कोषमा कुल २ अर्ब ५४ करोड ११ लाख ८ हजार रुपैयाँ रकम संचित रहेको छ ।
