काठमाडौं ।आशा लघुवित्त वित्तीय संस्थाले चालु आर्थिक बर्षको तेस्रो त्रैमासको वित्तीय विवरण सार्वनजिक गरेको छ । संस्थाले चालु आर्थिक बर्षको तेस्रो त्रैमासको अन्त्यसम्ममा २ करोड ९० लाख रुपैयाँ नाफा कमाएको छ । बैंकले गत बर्षको सोहि अवधिमा १ करोड ४५ लाख रुपैयाँ नाफा कमाएको थियो । गत बर्षको तुलनामा बैंकको नाफा १ सय प्रतिशतले बढेको छ ।
साथै, तेस्रो त्रैमासिक सम्ममा संस्थाको संचालन नोक्सान ७२ लाख ३६ हजार रुपैयाँ रहेको छ ।संस्थाको खुद ब्याज आम्दानी ७ करोड ८१ लाख रुपैयाँबाट बढेर १० करोड ६४ लाख रुपैयाँ पुगेको छ ।
त्यस्तै, संस्थाले चैत मसान्ससम्मको अवधिमा ७३ करोड रुपैयाँ निक्षेप संकलन गर्न सफल भएको छ भने २ अर्ब २६ करोड रुपैयाँ कर्जामा लगानी गरेको छ । संस्थाको हालको चुक्ता पुँजी २३ करोड २२ लाख रुपैयाँ रहेको छने रिजर्भ कोषमा ६ करोड ४९ लाख रुपैयाँ संचित रहेको छ।
संस्थाको प्रतिशेयर आम्दानी १६ रुपैयाँ ६६ पैसा र प्रतिशेयर नेटवर्थ १२७ रुपैयाँ १५ पैसा रहेको छ।
