काठमाडौं । प्राइम लाइफ इन्स्योरेन्स कम्पनीले सरकारले स्थापना गरेको कोरोना रोकथाम कोषमा सात लाख ५० हजार रुपैयाँ सहयोग गरेको छ ।
नेपाल सरकारले स्थापना गरेको कोरोना भाइरस संक्रमण रोकथाम तथा उपचार कोषमा उक्त रकम उपलब्ध गराएको कम्पनीका प्रमुख कार्यकारी अधिकृत (सिइओ) मनोजकुमार भट्टराईले जानकारी दिएका छन् । उक्त रकमको चेक कोषलाई हस्तान्तरण गरिसकेको कम्पनीले जनाएको छ । कम्पनीले आफ्नो संस्थागत सामाजिक उत्तरदायित्व अन्तर्गत महामारी नियन्त्रणको साथै उपचारका लागि देशब्यापी अभियानमा सहयोग पुराउने उद्देश्यले कोषमा उक्त रकम जम्मा गरेको जनाएको छ।
उक्त सहयोग मार्फत कोरोनाविरुद्धको लडाइँमा थोरै भए पनि योगदान हुने विश्वास कम्पनीले व्यक्त गरेको छ ।
