काठमाडौं । बीमा समितिले निर्जिवन बीमा कम्पनीहरुलाई मोटर बीमा नविकरण गर्दा बीमा दावी नगरे बापत पाउने छुट अवधी थप गर्ने निर्णय गर्दै सोही बमोजिम बीमा कम्पनीहरुलाई निर्देशन दिएको छ ।
समितिले सोमबार सबै बीमा कम्पनीहरुलाई निर्देशन जारी गर्दै विश्वभर महामारीको रुपमा फैलिरहेको कोरोना भाइरसका कारण सरकारले गरेको लकडाउनको अवधिमा मोटर बीमाको नविकरण गर्दा नो क्लेम डिस्काउन्टको म्याद थप गर्नको लागि निर्जिवन बीमा कम्पनीहरुलाई भनिएको छ ।
समितिले मोटर बीमा दर सम्बन्धी निर्देशिका, २०७३ को परिच्छेद २ दफा ९ बमोजिम बस्मा अवधि समाप्त भएको सवारी साधनको बीमालेख नविकरण गर्नुपर्ने मितिबाट ३५ दिन भित्र नविकरण गर्दा दाबी नगरे बापत पाउने छुटलाई लकडाउन समाप्त भएको थप १५ दिन भित्र नविकरण गरेमा दाबी नगरे बापत पाउने छुट सरहको सुविधा व्यवस्था गर्न निर्जिवन बीमा कम्पनीहरुलाई निर्देशन दिएको हो ।
