काठमाडौं । नेपाल राष्ट्र बैंकले सबै इजजातप प्राप्त बैंक तथा वित्तीय संस्थाहरुलाई हरेक दिन रिपोर्टि गर्न निर्देशन दिएको छ । लकडाउनपछि अबरुद्ध भएको ’रिपोर्टिङ’ पहिलेजस्तै हरेक दिन गर्न बैंक तथा वित्तीय संस्थाहरुलाई राष्ट्र बैंकले निर्देशन दिएको हो ।
लकडाउनपछि नेपाल राष्ट्र बैंकले नियमित हुने रिपोर्टिङ अवस्था सामान्य भएको सात दिनभित्र गर्न निर्देशन दिएको थियो । जसले गर्दा बैंकिङ क्षेत्रमा के कस्तो भइरहेको छ भन्ने थाहा नै नहुने अवस्था आएपछि पहिलेजस्तै नियमित रिपोर्टिङ गर्न निर्देशन दिएको राष्ट्र बैंकले जनाइएको छ ।
हालै राष्ट्र बैंकले एक सूचना जारी गर्दै विश्वब्यापी रुपमा फैलिएको भाइरसकोे प्रभाव मूल्याङ्कन र अध्ययन समेतको लागि वित्तीय क्षेत्रको तथ्याङ्कहरु नियमित उपलब्ध हुनु पर्ने हुँदा संक्रमणको जोखिमबाट सुरक्षित रहने उपाय अवलम्बन गरी नियमित रिपोर्टिङ गर्न निर्देशन दिएको हो ।
