काठमाडौं । ग्लोबल आइएमई लघुवित्तले नेपाल सरकारद्वारा स्थापना गरिएको कोरोना कोषमा ५ लाख रुपैयाँ दिने भएको छ। उक्त सहयोग रकम सरकारहरुले खडा गरेको राष्ट्रिय वाणिज्य बैंकमा जम्मा गरिने संस्थाले जनाएको छ।
संस्थाले संस्थागत सामाजिक उत्तरदायित्व अन्तर्गत हाल विश्वव्यापी महामारीको रुपमा फैलिएको कोरोना भाइरसका कारण उत्पन्न विषम परिस्थितिमा देशमा सो को संक्रमण रोकथामका लागि अप्ठ्यारोमा परेको वर्ग, समुदायलाई दैनिक उपभोग्य सामग्री वितरणमा सहयोग पुग्ने विश्वास लिई आर्थिक सहयोग रकम उपलब्ध गराएको हो ।
