काठमाडौं । सप्तकोशी डेभलपमेन्ट बैंकले १२ औं वार्षिक साधारण सभा चैत ३० गते गर्ने भएको छ । बैंकले उद्योग संगठन मोरङमा बिहान साढे १० बजे सभा आब्हान गरेको हो ।
सभामा चुक्ता पूँजीको ६ प्रतिशतका दरले बोनस शेयर वितरण गर्ने, संस्थापक समूहबाट प्रतिनिधित्व गर्ने ३ जना सञ्चालक र सर्वसाधारण समूहबाट प्रतिनिधित्व गर्ने ३ जना सञ्चालकको निर्वाचन गर्ने तथा बैंकको प्रबन्धपत्र र नियमावलीमा संशोधन गर्ने लगायतका एजेण्डाहरु रहेका छन् ।
साधारण सभा प्रयोजनको लागि बैंकले चैत १० गतेदेखि ३० गतेसम्म शेयरधनी दर्ता पुस्तिका बन्द गर्ने भएको छ । चैत ९ गतेसम्मका नेप्सेमा कारोबार भई चैत १६ गतेसम्मका कायम शेयरधनीले मात्र सभामा भाग लिन पाउनेछन् ।
