काठमाडौं । सिन्धु विकास बैंकको साधारण सभाले पारीत गरेको बोनस शेयर घटेको छ । बैंकको माघ २७ गते बसेको बार्षिक साधारणसभाले पारित गरिसकेको ११ दशमलव ५१ प्रतिशत बोनस दरमा बैंकको कमजोरीको कारण न्यून मात्रामा घट्ने भएको छ ।
अब बैंकका शेयरधनीले ११ दशमलव ४८ प्रतिशत मात्र बोनस पाउनेछन् । नेपाल राष्ट्र बैंकको निर्देशनपछि बोनस शेयर सामान्य परिमार्जन भएको बैंकले उल्लेख गरेको छ । बैंकले बोनस शेयरमा लाग्ने कर रू ३० लाख २२ हजार ५६५ दशमलव ८२ हुनुपर्नेमा २८ लाख ७८ हजार ६३४ दशमलव ११ रुपैयाँमा छुट्याएको थियो ।
बैंकले ६ करोड ४ लाख ५१ हजार ३१६ दशमलव ३६ रुपैयाँ बराबरको बोनस शेयर वितरण गर्ने भनेकोमा अव शेयरधनीले ५ करोड ७४ लाख २८ हजार ७५० दशमलव ५४ रुपैयाँ बराबरको बोनस पाउनेछन् ।
