काठमाडौं । एनआइसी एशिया बैंकले आफनो स्वामित्वमा रहेको नागरिक लगानी कोष र सूर्या लाइफ इन्स्योरेन्सको संस्थापक सेयर लिलामीमा आवेदन दिन आज बिहीबार (आज) अन्तिम दिन हो । बैंकले कोष र संस्थापक समूहको सेयर बिक्रीमा ल्याएको हो । नागरिक लगानी कोषको एक लाख ६६ हजार ३२ कित्ता संस्थापक सेयर फागुन १९ देखि बिक्रीमा ल्याएको थियो । जसको न्यूनतम मूल्य दुई हजार रुपैयाँ मूल्य निधारण गरिएको छ ।
लगानीकर्ताले न्यूनतमम दुई हजार रुपैयाँ वा सोभन्दा बढी मूल्य अंकित गरी बोलपत्र पेश गर िसहभागी हुन सक्नेछन् । लगानीकर्ताले न्यूनतम सय कित्ता र १० ले भाग जाने गरी अधिकतम सम्पूर्ण कित्ताका लागि आवेदन दिन सक्नेछन्् ।
यता, बैंकले इन्स्योरेन्सको ४१ हजार ४ सय कित्ता संस्थापक सेयर लिलामी बिक्रीमा ल्याएको छ । यसमा न्यूनतम मूल्य २७५ रुपैयाँ तोकिएको छ ।
लगानीकर्ताले न्यूनतम २ सय ७५ रुपैयाँ वा यस भन्दा बढी मूल्य अंकित गरी बोलपत्र पेश गर्न सक्नेछन् । दुवै कम्पनीको लिलामी आवेदन एनआइसी एसिया क्यापिटलको विभिन्न शाखा मार्फत दिने सकिने व्यवस्था गरेको छ ।
