काठमाडौं । अपि पावरले ४७ प्रतिशत हकप्रद बिक्रिको लागि धितोपत्र बोर्डबाट अनुमति पाएको छ । बोर्डले १ः०४७ अनुपातमा ५६ लाख ५७ हजार कित्ता हकप्रद बिक्रि गर्ने अनुमति दिएको हो । कम्पनीको बिक्रि प्रबन्धकमा सिद्धार्थ क्यापिटल रहेको छ।
यस अघि कम्पनीले बोर्डमा १ः २ अनुपातमा २ करोड २६ लाख ८० हजार कित्ता (२००) प्रतिशत हकप्रद शेयर बिक्रिको लागि बोर्डसँग अनुमति मागेको थियो । उक्त समयमा प्रकृया पूरा नगरेको हुँदा धितोपत्र बोर्डले अनुमति दिएको थिएन् । त्यसपश्चात् बोर्डले हकप्रद अनुमतिको पाइपलाइनबाटै हटाइदिएको थियो । सो हकप्रदलाई बोर्डले आज ४७ प्रतिशत हकप्रद बिक्रि गर्न अनुमति दिएको हो ।
कम्पनीको हालको चुक्ता पुँजी १ अर्ब ९ करोड रुपैयाँ ७ लाख रुपैयाँ रहेको थियो । हकप्रद बिक्रिपश्चात् कम्पनीको चुक्ता पुँजी १ अर्ब ७५ करोड रुपैयाँ पुग्नेछ ।
