काठमाडौं । कृषि विकास बैंकले एकैसाथ १६ वटा शाखा कार्यालयहरु सञ्चालनमा ल्याएको छ । बैंकको ५३ औ वार्षिक उत्सवको अवसर उक्त शाखा कार्यालयहरु संचालनमा ल्याएको जनाएको छ ।
उक्त नयाँ शाखा कार्यालयहरुको उद्घाटन अर्थमन्त्री डा. युवराज खतिवडाले डिजिटाईजेशन पद्धतिबाट गरेका हुन् ।
बैंकले बर्जू, आमबारी, रवी, लौकही, हरिवन, धार्के, मालेपाटन, गण्डकी गोरखा, चन्द्रौटा, पकडी, ढिमे कुशे, बारेकोट, कुमालगाउं, सुकटिया, ओदानकु महावै र एक्सटेन्सन काउण्टर धुलिखेलगरी १६ वटा कार्यालय सञ्चालनमा ल्याएको हो।
बैंकका प्रमुख कार्यकारी अधिकृत अनिल कुमार उपाध्यायले कुशल एवं प्रभावकारी बैंकिंग सेवा प्रवाहका माध्यमबाट प्राप्त प्रतिफल बैंकका सबै हिस्सेदार समक्ष न्यायपूर्ण ढंगबाट वितरण गरिने प्रतिवद्धता व्यक्त गरे ।
