काठमाडौं । गुडविल फाइनान्स लिमिटेड वित्तीय संस्थाको २५ औं बार्षिक साधारण सभा सम्पन्न भएको छ । सभा कम्पनीको अध्यक्ष राजाराम जोशीको अध्यक्षतामा सम्पन्न भएको हो ।
संस्थाले निक्षेपतर्फ गत आर्थिक बर्षको तुलनामा २७ प्रतिशतले वृद्धि गरी ६ करोड ८९ लाख रुपैयाँ तथा कर्जातर्फ २६ प्रतिशतले वृद्धि गरी ५ अर्ब ९० करोड रुपैयाँ पुराएको जानकारी दिदै आर्थिक बर्ष २०७५।०७६ को मुनाफाबाट १० प्रतिशत नगद लाभांश वितरण गर्ने प्रस्ताव पारित गरेको छ ।
सभामा संस्थाका प्रमुख कार्यकारी अधिकृत सरोज काजी तुलाधरले ,संस्थाले ७ बर्ष अवधिको १२ प्रतिशत व्याजदरमा ६/६ महिनामा व्याज भुक्तानी हुने गरि प्रति डिवेन्चर १ हजारका दरले कुल २५ करोड रुपैंया बरावरको (दुई लाख पचास हजार कित्ता) १२ प्रतिशत गुडविल फाइनान्स लिमिटेड डिवेन्चर २०८३” निष्काशन गर्ने प्रकृयामा रहेको जानकारी गराए ।
सभाले आगामी चार बर्षका लागि नयाँ संचालक समितिको गठन गरेको छ । जस अन्र्तगत संस्थापक शेयरधनीहरुको तर्फबाटसुधिरमान मास्के, दिलीप कुमार मुनकर्मी, जेनी जोशी (महिला संचालक) तथा सर्वसाधारण शेयरधनीहरुका तर्फबाट विश्व प्रकास साखः, पशुपति भक्त श्रेष्ठ, श्री रमेश मल्ल निर्विरोध निर्वाचित भएका छन् ।
