काठमाडौं । एनआइबीएल म्युचुअल फण्डको खुलामुखी योजना ‘एनआइबीएल सहभागिता फण्ड’का इकाइहरुको खरिद–बिक्रीलाई सहजीकरण गर्न २ कम्पनी नियुक्त भएका छन् । जस अनुसार गुडविल फाइनान्स लिमिटेड र मुक्तिनाथ विकास बैंक लिमिटेड वितरण केन्द्र नियुक्त गरिएको हो ।
उक्त सम्झौतापत्रमा एनआइबीएल एस क्यापिटलका नायब प्रमुख कार्यकारी अधिकृत मेखबहादुर थापा, गुडविल फाइनान्सका प्रमुख कार्यकारी अधिकृत सरोजकाजी तुलाधर र मुक्तिनाथ विकास बैंकका सहायक नायब प्रमुख कार्यकारी अधिकृत तिलप्रसाद गुरुङले हस्ताक्षर गरेका छन् ।
